Jardunaldiaren gaia Euskadiko toki-erakundeetan hizkuntza ofizialen erabilera instituzionala eta administratiboa normalizatzeari buruzko azaroaren 19ko 179/2019 Dekretua aztertzea izango da. Ekitaldi honetan Zuzenbidearen Euskal Akademiak arlo publikoaren eremuan lan egiten du, hain zuzen toki-erakundeetan, hau da, hiritarrek hurbilago duten administrazioan.

Dekretua Euskadiko Toki erakundeen legearen lehen garapena da, eta udal funtzionamenduan bete beteko eragina du,  euskararen erabilera eta balio juridikoa toki administrazioaren barnean lantzen duelako. Ekitaldi honen helburua  Dekretu honen ekarpenak eta berrikuntzak aztertzea da eta baita toki-erakundeetan Dekretuak izan dezakeen eragina aztertzea.

Atxikitako dokumentua: Jardunaldiaren egitaraua_1.pdf