§ 187. 2/1997 LEGEA, MARTXOAREN 14KOA, EUSKAL HERRIKO NATURA BABESTEKO LEGEA ALDATZEN DUENA

ZIOEN ADIERAZPENA

Segurtasun juridikoko arrazoiak direla eta, beharrezkoa da Euskal Herriko Natura Babesteari buruzko ekainaren 30eko 16/1994 Legeko lehenengo xedapen gehigarria aldatzea. Izan ere, aldaketa horren bidez argi utzi nahi da zein eragin duen aipatutako xedapenak Gorbeiako Parke Naturala izendatzeko eta arautzeko dekretuetan (227/1994 eta 228/1994 dekretuetan). Halaber, inguruneari dagokion izena aldatu egiten da.

Atal Bakarra

Aldatu egin da Euskal Herriko Natura Babesteari buruzko ekainaren 30eko 16/1994 Legeko lehenengo xedapen gehigarria, eta era honetan idatzita geratu da:

"Lehenengoa: Lege horretako 11. atalean aipatzen den Babestutako Naturaguneen Sarearen barnean Urkiola, Valderejo, Aralar eta Gorbeiako parke naturalak daude. Gorbeiako Parkea arautzeko dekretuak hauek dira: Gorbeia inguruko Natura Baliabideen Antolamendu Plana onartzen duen ekainaren 21eko 227/1994 Dekretua eta Gorbeiako ingurua Parke Natural izendatzen duen ekainaren 21eko 228/1994 Dekretua".

Azken Xedapena

Lege hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.