§ 50. 21/1983 LEGEA, URRIAREN 6KOA, APIRILAREN 18KO 1/1983 LEGEGINTZA-DEKRETOZ ONARTURIKO EUSKAL HERRIKO AUTONOMIA ELKARTEAREN 1983.ERAKO GUZTIZKO DIRUEGITAMUEN BATERATUTAKO IDAZKIAREN SEIGARREN ERABAKI GEHIGARRIAN OHARTEMATEN DEN LANGABEZIARI AURKA EGITEKO LAN-BALTZAREN PENTZUTANGO DIRULAGUNTZA EMATEAREN ALDAKUNTZA ONARTZEARI BURUZKO IRAILAREN 20KO 4/1983 DEKRETO-LEGEARI LEGE-SENDESPENA EGITEZKOA

       Autonomia-Elkarteko udal askori larritasun haundiaz erasan dien oraintsuko ondamendiak sortarazi dituen gorabeheren berarizkotasunak, 1983.eko ekonomia-urteari dagokion Langabeziari aurka egiteko Lan-Baltzaren pentzutango dagozkien dirulaguntzak bere garaian horretarako eman zireneko egitasmo zehatzetan gerta daitezen aldakuntzak ohartematera behartzen du.

       Horren ondorioz, eta Eusko Legebiltzarrak Irailaren 8an emandako 17/1983 Legearen indarrez emandako eskubidetaz baliatuz, eta Jaurtze-Batzordeak 1983.eko Irailaren 20an egindako bilkuran aztertu ondoren, honako hau

ERABAKITZEN DUT:

Lehenengo Atala

       Oraintsuko ondamendizko erauntsien ondorioz kalte izandako Autonomia-Elkarteko Kondaira-Lurraldeetako Udalek, Udal-Elkarteek edo Toki-Erakunde Txikiagoek, bere garaian ematearen gai izan ziren lan-egitasmoez bestekoak egitera daitezen, Apirilaren 18ko 1/1983 Legegintza-Dekretoz onarturiko Autonomia-Elkartearen Seigarren Erabaki Gehigarrian ohartematen den Langabeziari aurka egiteko Lan-Baltzaren pentzutan emandako dirulaguntzan erabili gabeko dirulaguntza-zatiak eskatu ahal izango dituzte.

2. Atala

       Aurreko Atalean aipatzen den eskea 1983.eko Urriaren 7a baino lehen egin beharko da, Eusko Jaurlaritzako Lan-Sailburuari bidalitako idazkiaren bidez, horri Apirilaren 6ko 39/1983 Dekretoan aipaturiko agiripaperak erantsiko zaizkolarik.

       Egitasmo berriek Autonomia-Elkartearen 1983. erako Guztizko Diruegitamuen Seigarren Erabaki Gehigarriaren 3.idatz zatian aipatzen diren lanei buruzkoak izan beharko dute.

3. Atala

       Aurreko Atalean aipaturiko epe-ondorengo 8 lan-egunen barruan, Lan-Sailburuak aipamen-eskea onartu edo ukatu egingo du, lehenengoan, dagozkion lanak hasi behar direneko eguna jarriz.

4. Atala

       Dekreto-Lege honetan oharteman gabekoetan, Apirilaren 6ko 39/1983 Dekretoan erabakitakoaz bat etorri beharko da.

5. Atala

       Lan-Sailburuari Dekreto-Lege hau egitera dadin beharrezko izan daitezen manuak hartzeko esku ematen zaio.

Azken Erabakia

       Dekreto-Lege hau Euskal Herriko Agintaritzaren Aldizkarian argitara dadineko egunean bertan jarriko da indarrean.