I. XEDAPEN OROKORRAK

ESTATUKO BURUZAGITZA

16257 Huts-zuzenketa, honako honena: 6/2018 Legea, uztailaren 3koa, 2018rako Estatuaren Aurrekontu Orokorrena.

Hutsak atzeman dira 2018. urterako Estatuaren Aurrekontu Orokorren uztailaren 3ko 6/2018 Legean, zeina 2018ko uztailaren 4ko Estatuko Aldizkari Ofizialean (161. zk.) argitaratu baitzen; beraz, honen bidez, zuzenketa hauek egiten ditugu:

29. orrialdean, 19. artikuluaren Bat.1 apartatuaren bosgarren eta seigarren lerroetan, hau dioen lekuan: «hogeita zazpigarren, hogeita zortzigarren eta hogeita bederatzigarren xedapen gehigarrietan», hau esan behar du: «hogeita bederatzigarren, hogeita hamargarren eta hogeita hamaikagarren xedapen gehigarrietan».