Zuzenbidearen webgunea, euskaraz
Cuarta edición Premios Adrian Celaya

Nazioarteko zuzenbidea  >>  Legeria  >>  >> Giza eskubideak >> Gizarte-ongizatea, -aurrerabidea eta -garapena

Herriek bakea izateko eskubideari buruzko Adierazpena

1984-11-12

Itzulpena nork: EUSLEGE

Erakundea: Nazio Batuen Erakundearen Biltzar Orokorra

Herriek bakea izateko eskubideari buruzko Adierazpena

Biltzar Orokorrak onetsia, 1984ko azaroaren 12ko 39/11 ebazpenean

Biltzar Orokorrak,

Berretsiz Nazio Batuen asmo nagusiena dela nazioarteko bakea eta segurtasuna gordetzea,

Kontuan hartuta Nazio Batuen Gutunean ezarritako nazioarteko zuzenbidearen oinarrizko printzipioak,

Adieraziz herri guztien borondatea eta asmoak, gizakien bizitzatik gerra ezabatzeko eta, batik bat, mundu-mailan hondamendi nuklearra saihesteko,

Sinetsita ongizate materiala, herrialdeen loraldia eta aurrerapena lortzeko eta, oro har, Nazio Batuek aldarrikatutako gizakien eskubide guztiak eta oinarrizko askatasunak betetzeko, gerra gabeko bizitza dela nazioarte mailako lehen baldintza,

Jakitun izanik aro nuklearrean munduan bake iraunkorra ezartzea dela baldintza nagusia giza zibilizazioa eta bere izatea babesteko,

Aitortuz estatu guztien betebehar ukiezina dela herriak bakean bizi daitezen bermatzea,

1.Ospe handiz aldarrikatzen du planeta honen herriek bakerako eskubide ukiezina dutela;

2.Ospe handiz adierazten du herriek bakerako duten eskubidea babestea eta eskubide hori betearaztea, estatu ororen eginbehar nagusia dela;

3.Azpimarratzen du herriek bakerako duten eskubidea nola betetzen ari den ziurtatzeko, behar-beharrezkoa dela estatuek euren politika ahalbidetzea gerra-mehatxuak ezabatzera, bereziki, gerra nuklearra ezabatzera, nazioarteko harremanetan indarra erabiltzeari uko egitera eta nazioarteko eztabaidak bide baketsuak erabilita konpontzera, Nazio Batuen Gutunarekin bat etorriz;

4.Dei egiten die estatuei eta nazioarteko erakunde guztiei lagun dezaten, bide guztiak erabilita, zertan eta nazio- nahiz nazioarte-mailan hartutako neurri egokien bitartez, herriek bakerako duten eskubidea betetzen ari dela ziurtatzen.

Atxekitako dokumentuak:

Sustatzaileak:

  • deustu
  • ivap
  • Bizkaiako foru aldundia - Diputación foral de Bizkaia
  • Eusko jaurlaritza / Gobierno vasco - Justizia eta herri administrazio saila
  • BBK
  • Deusto - Instituto de estudios vascos / Euskal gaien institutua

Laguntzaileak:

© IUSPLAZA  Lege-oharra