043. ADINGABEAREN LETRADUAREN ALEGAZIO-IDAZKIA, ADINGABEARI EGOTZITAKO EGITATEEKIN ADOS DAGOELA BAINA ESKATUTAKO NEURRIAREKIN ADOS EZ DAGOELA ADIERAZTEKOA (FROGABIDE-PROPOSAMENAREKIN) (31.ART.)

...hiria+(e)ko... ADINGABEEN ... ZK.KO EPAITEGIARI

Ni, AA,...probintzia+ko...Abokatuen Elkargoko abokatua, MM adingabearen ordezkaritzan ari naiz. Adingabearen datuak jasota daude ... zk.ko espedientean. Adingabeen Epaitegian agertzen naiz, eta, Zuzenbidean bidezkoen den moduan, DIOT:

...data+(e)an...,Fiskaltzaren alegazio-idazkia jakinarazi zaio alderdi honi. Urtarrilaren 12ko 5/2000 Lege Organikoko 31. artikuluari jarraiki, idazki honen bidez adierazten dut ados gaudela egitateak aintzat hartzeari dagokionez Fiskalak azaldutakoarekin, baina, ez, aldiz, eskatutako neurriarekin. Ondorengo alegazioetan oinarritzen naiz:

ALEGAZIOAK

LEHENENGOA.- Ados nago Fiskaltzak lehenengo alegaziotik bosgarrenera azaldutakoarekin.

BIGARRENA.- Ez nago ados Fiskaltzaren seigarren alegazioarekin, eskatutako neurria, egitateekin konparatuta, neurriz kanpokoa baita.

MM adingabea 9 hilabetez zentro espezializatuan barneratzeko neurria eskatu du Fiskaltzak alegazio-idazkian.

Fiskaltzak egitateak azaltzean aitortu du kaltetuaren osasuna eta osotasun fisikoa ez daudela arrisku larrian. Hortaz, ez da bidezkoa neurri hain luzea ezartzea, adingabea birgizarteratzea lortu beharrean, adingabea zigortu besterik ez bailitzateke egingo. Alderdi honen ustez, nahikoa izango litzateke aipatutako neurria gehienez ere bi hilabetez aplikatzea.

Azaldutakoagatik,

EPAITEGIARI ESKATZEN DIOT: idazki hau eta kopiak aurkeztutzat eman, eta onar ditzala. Egoki diren legezko izapideak egin ondoren, erabaki dezala 5/2000 LOko 33. artikuluko agerraldia egitea, eta eman dezala epaia, idazki honetan xedatutakoarekin bat.

BEREBAT DIOT: alderdi honi eskubidez interesatzen zaio auzitegiko medikuak MM adingabea aztertzeko froga onar dadila eta buru dadila. Modu horretan, auzitegiko medikuak adingabearen heldutasun-maila zehaztuko du, eta Fiskaltzak alegazio-idazkian eskatu duen barnealdiko neurri hain luzea hartzea komeni den ala ez adieraziko du.

EPAITEGIARI ESKATZEN DIOT: har dezala egindakotzat aurreko adierazpena eta adierazitakoarekin bat erabaki dezala.

...lekua+n..., ...data+(e)an...

Letraduaren sinadura